माग्नेबुढाले साइन गरे ‘जहाजैमा’
काठमाडौं । कृषा चौलागाइको निर्देशनमा बन्न लागेको फिल्म ‘जहाजैमा’मा अभिनेता केदार घिमिरे ‘माग्ने बुढा’ अनुबन्धित भएका छन् । मंगलबार फिल्मको निर्माण टिमले केदारसँग कागजी सम्झौता गरेको छ ।
कृषा र केदारले पहिलो पटक फिल्ममा सहकार्य गर्न लागेका हुन् । फिल्ममा केदार अनुबन्धित भएपछि कृषाले भनिन्–‘केदारजी अहिलेको सर्वाधिक रुचाइएको कलाकार हुनुहुन्छ । हाम्रो फिल्ममा उहाँको निकै नै महत्वपूर्ण भूमिका छ । उहाँलाई फिल्ममा भित्र्याउन पाउँदा निकै नै उत्साहित छौं ।’
यो फिल्मको हाल म प्रि–प्रोडक्सनको काम चलिरहेको छ । फिल्मको प्रि–प्रोडक्सनमा साथ दिन यसका निर्माता उज्ज्वल गुरागाँई जापानबाट नेपाल आएका छन् । आज कलाकार केदारसँग उज्ज्वलले कागजी सम्झौता गरेका हुन् ।
फिल्ममा मल्टिस्टारर कलाकारहरु रहने छन् । अन्य कलाकारहरुसँग पनि कुराकानी अगाडि बढेको तर फाइनल नभई सकेको निर्माणपक्षले बताएको छ ।
यो फिल्ममा यसअघि जापानीज अभिनेत्री रुजेल इचिमिया फाइनल भइसकेकी छिन् । फिल्मले नेपाल, जापान र फिलिपिन्सको कथा भन्नेछ ।
यूएनए प्रोडक्सनको व्यानरमा निर्माण हुन लागेको फिल्मको छायांकन भदौबाट सुरु हुनेछ । फिल्मलाई नेपाल,जापान र फिलिपिन्समा खिचिनेछ ।
